رأي

شوف أغاتي ..

أكو كوردي مترهي ..

وأكو كوردي عايش بالجبل كاتله الهبري ..

مو كل الكورد سوه ..!!

اكو قومي عروبي عايش مترهي بالخليج .. وأكو عروبي راتبه التقاعدي ما يوصله 10 بالشهر ..

مو كل القوميين العروبيين سوه …!!

أكو سياسي اسلامي سني ما يتعشه اذا ماكو كافيار على الميز من أجل قوة جنسية اكبر ..

وأكو زمال راح فخخ نفسه وانتحر ..

مو كل الإسلاميين السنة سوه …!!

اكو سياسي اسلامي شيعي عنده قصور في بغداد والنجف وطهران وبيروت ولندن وهولندا والدنمارك .. ومخلصها “ونسة” .. ليلية وي وحدة شكل ..

وأكو سياسي اسلامي شيعي يشتغل بالمسطر عايش بالحواسم وشغلته يطلع تظاهرات يهتف هيهات منا الذلة ..!!

مو كل الإسلاميين الشيعة سوه .. !!

أكو بعثي فلت بالدخل الى تركيا او الاردن أو قطر أو اميركا أو النرويج يلعب بالفلوس لعب أو صار عضو برلمان أو منصب عالي ..

وأكو بعثي مسكين لهسه مصدگ بالرسالة الخالدة وعايش عيشة المگدي …

مو كل البعثيين سوه ….!!

أكو شيوعي يأخذ راتب تقاعدي برتبة لواء دمج .. أو وكيل وزير .. أو سفير .. أو مدير عام ومترهي هو وعائلته ..

وأكو شيوعي فگر من أهل الله شايل علبة حلويات ويوزع عالناس بالمناسبات الأممية ويشتغل بسطية بالشورجة …

مو كل الشيوعيين سوه …!!

بالسياسة ..

اكو لوتي .. وأكو زوج ..!!

لا تغرك هالعناوين الأيدلوجية اللماعة ..

وظلت بكيفك عاد …!!!!